အိုလံပစ် အထိမ်းအမှတ် ကရာတေးဒို ပြိုင်ပွဲ ကို အောင်ဆန်းအားကစားကွင်း ကရာတေးလေ့ကျင့်ရေး ခန်းမတွင် ကျင်းပပြုလုပ်ခဲ့ပါသည်။

အခက်အခဲများကြားထဲက စခန်းသွင်းလေ့ကျင့်ပေးနိုင်ရေးအတွက် လက်ရည်စစ်ပြိုင်ပွဲများအား ဇန္နဝါရီလ (၅-၆)ရက်များတွင် Senior(သက်ကြီးတန်း)ပြိုင်ပွဲများအားလည်းကောင်း၊ ဇွန်လ (၂၅)ရက်နေ့တွင် Junior & Cadet(သက်ငယ်တန်းနှင့် သက်လတ်တန်း)ပြိုင်ပွဲများအားလည်းကောင်း အောင်မြင်စွာကျင်းပပေးနိုင်ခဲ့ပြီး၊ ၂၀၂၅ခုနှစ် ဆီးဂိမ်းစ်ပြိုင်ပွဲအတွက် အကြိုစခန်းသွင်း လူစာရင်းအား လျာထားထုတ်ပြန်ပေးနိုင်ခဲ့ပါသည်။

မြန်မာနိုင်ငံတဝှမ်း ကရာတေးအားကစားနည်း ပြန့်ပွါးတိုးတက်စေရေးနှင့် နိုင်ငံတကာပြိုင်ပွဲများမှာ မြန်မာ့ဂုဏ်ဆောင် ထူးချွန်စွာအောင်မြင်မှုများ ရရှိနိုင်စေရေး ရည်မှန်းချက်များဖြင့် အဖွဲ့ချုပ်ရဲ့ လေ့ကျင့်ရေးစခန်းမှာ ကျောင်းသားကျောင်းသူ၊ ကရာတေးအားကစားစိတ်ဝင်စားသူများအနေဖြင့် နွေရာသီပုံမှန်ကရာတေးသင်တန်းများအား အဆင်ပြေသည့်လေ့ကျင့်ချိန်များအတိုင်း ရွေးချယ်သင်ကြားနိုင်ကြပါစေရန် ခင်မင်နွေးထွေးစွာ ဖိတ်ကြားအသိပေးအပ်ပါတယ်